Java që kemi hyrë pritet të karakterizohet me mot kryesisht stabil dhe me temperatura të cilat do të vijnë duke u rritur gradualisht, ndërsa parashihen intervale të gjata kohore me diell dhe vranësira të herëpashershme lokale. Rrallë në disa vise ka gjasa për vranësira pak më të theksuara dhe ndonjë rigë ose rrebesh afatshkurtër shiu. Kjo vlenë deri ditën e premte.
Të premtën në veriperëndim të Shqipërisë pritet të ketë shtim të vranësirave dhe rrebeshe shiu me bubullima dhe kjo mund të ndikojë të ata që kanë planifikur pushimet në veriperëndim. Në viset tjera priten alternime mes intervaleve të gjata kohore diell dhe vranësirave të cilat në disa vise mund të kushtëzojnë ndonjë rigë ose rrebesh shiu. Pra, gjatë kësaj jave nuk priten reshje atmosferike deri të premtën me ndonjë përjashtim krejt të vogël.
Gjatë mesjaves priten rritje të ndjeshme të temperaturave dhe siç kemi theksuar vera rikthehet në formë të moderuar. Gjatë fundjavës bazuar në ecuritë aktuale sinoptike priten ulje të lehta të temperaturave dhe alternime mes vranësirave dhe intervaleve të gjata kohore me diell. Ka gjasa edhe për reshje lokale.
Ishte ky parashikim javor me disa fjali dhe ndryshimet në parashikim janë më së të mundshme për shkak të aktivizimit të cikloneve tropikale në Atlantik dhe Pacifik dhe kjo mund të shkaktojë ndryshime në kushtet sinoptike gjatë fundit të kësaj jave, prandaj për çdo ndryshim eventual do ju lajmërojmë në postimet tona të përditshme./MeteoBallkan