Kjo pamje çasti nga sateliti na tregon se vranësirat janë larguar nga rajoni ynë dhe kemi shumë rreze diellore për shkak të ndikimit anticiklonik, megjithatë mbeten vranësira lokale të cilat zhvillohen dhe pasdite mund edhe të kushtëzojnë ndonjë rrebesh afatshkurtër shiu në disa zona malore. Në shumicën absolute të territoreve tona do të mbetet mot pa reshje.
Temperaturat më në fund kanë shënuar rritje të ndjeshme.
Mot i ngjashëm do të mbajë deri të shtunën, me rritje të mëtutjeshme të temperaturave, por gjithnjë me prezencën e rrezikut të ndonjë rrebeshi të izoluar kryesisht në zonat kodrinore-malore duke mos përjashtuar tërësisht edhe disa zona tjera, por në pjesën dërmuese të territoreve tona nuk do të ketë reshje.
Të shtunën pritet të kemi ardhjen e frontit të ftohtë i cili vjen në atmosferën mjaft të nxehtë dhe për këtë arsye priten zhvillime të bujshme duke shkaktuar “ekplosion atmosferik” me rrebeshe lokalisht intensive shiu me vetëtima dhe bubullimë dhe shira të rrëmbyeshme kalimtare. Pas kalimit të frontit dhe rrebesheve intensive temperaturat shënojnë ulje ndërsa mbesin vranësirat e shpeshta dhe riga ose rrebeshe lokale shiu edhe të dielën./METEOBALLKAN
