Në fotografinë kryesore shihen mirë vranësirat nga sateliti të cilat kanë përfshirë pjesë të mëdha të rajonit tonë. Këto vranësira janë në kuadër të ciklonit të fuqishëm i cili është krijuar mbi Itali dhe është stacionuar në këto momente me qendër mbi Italinë jugore.
Reshje të dendura kanë filluar në shumë pjesë të rajonit për të mos i përmendur edhe njëherë, vetëm Kosova ka reshje të dobëta dhe lokale për momentin, kurse në Serbi dhe Bosnjë dhe Hercegovinë tashmë janë krijuar disa celula apo sisteme stuhish të fuqishme të cilat po sjellin në ato rajone rrebeshe mjaft të fuqishme shiu me vetëtima bubullimë dhe breshër. Pra fillon “drama” për shtetet e rajonit Ballkanik të cilet ditëve të ardhshme do të përballën me probleme si pasojë e reshjeve të dendura të shiut dhe shtrëngatave të fuqishme nga të cilat nuk përjashtohen as Shqipëria, Maqedonia veriore dhe Kosova./Meteoballkan
