Të paktën 64 persona kanë humbur jetën në Kili pasi zjarret në pyje kanë shpërthyer në të gjithë vendin, me autoritetet që paralajmërojnë se numri i të vdekurve ka të ngjarë të rritet.
Sipas mediave të huaja, përcjell Telegrafi, atje është shpallur gjendja e jashtëzakonshme pasi qytetet bregdetare janë mbytur nga tymi dhe njerëzit që jetojnë në rajonet qendrore janë të detyruar të lënë shtëpitë e tyre.
Në një konferencë për shtyp të dielën pasi vizitoi zonat e prekura, presidenti Gabriel Boriç tha se numri i të vdekurve “do të rritet ndjeshëm” dhe shpalli të hënën dhe të martën si ditë zie kombëtare për viktimat zjarrit.
Rodrigo Mundaca, guvernatori i rajonit Valparaiso, tha të dielën se autoritetet po mbanin një “shtetrrethim” në qytetet Viña del Mar, Quilpué, Villa Alemana dhe Limache për t’i lejuar autoritetet të përqendrohen në luftimin e flakëve.
At least 51 people have been killed as wildfires blazed across Chile, consuming thousands of hectares of land. pic.twitter.com/5iG5QFN2ui
— DW News (@dwnews) February 4, 2024
Ndërsa kryebashkiaku i Quilpué, Valeria Melipillán, i tha CNN Kili se zjarri ishte “ndoshta më i madhi ndonjëherë” në rajon dhe se rreth 1,400 shtëpi në komunë ishin dëmtuar.
Melipillán shtoi se ndërsa përpjekjet për evakuim kishin qenë efikase, disa njerëz në zonat e prekura nuk donin të largoheshin nga shtëpitë e tyre.
Papa Françesku në një postim në ‘X’ u bëri thirrje njerëzve që të “luten për viktimat dhe të lënduarit nga zjarret shkatërruese që kanë prekur Kilin qendror”.
⚡️One of the deadliest wildfires in Chile's history has killed at least 51 people, – BBC.
Rescue services have difficulty reaching the most affected areas, so the number of fire victims is expected to grow.
Curfews have been imposed in some cities. This should help free up… pic.twitter.com/UyBT78uxIb
— BLYSKAVKA (@blyskavka_ua) February 4, 2024
Në një deklaratë televizive të shtunën, Boriç tha se ministria e mbrojtjes do të vendosë më shumë njësi ushtarake në zonat e prekura, me të gjitha burimet e nevojshme të vëna në dispozicion.
Ndryshe, rreth 92 zjarre aktive janë regjistruar në pjesë të ndryshme të vendit dhe deri më tani kanë prekur rreth 43,000 hektarë, tha Ministrja e Brendshme, Carolina Tohá.
Zjarrfikësit kanë vënë nën kontroll 40 zjarre dhe janë ende duke luftuar me 29 të tjerë, shtoi ajo.
Zjarret vijnë pasi vendi është goditur nga një valë e nxehtë e verës, me kryeqytetin e Kilit, Santiago, i cili ka parë gjatë ditëve të njëpasnjëshme temperatura të nxehta dhe të thata, duke u ngjitur mbi 33 gradë Celsius (91.4 °F).
