Siç po shihet në fotografinë kryesore rajoni ynë, Gadishulli Ballkanik dhe Italia janë të mbuluar nga vranësirat. Këto vranësira janë në kuadër të ciklonit të fuqishëm i cili tani gjendet në Detin Tiren me qendrën e tij.
Ky ciklon solli edhe reshje shiu gjatë orëve të mëngjesit shumë pjesëve të Kosovës, Shqipërisë dhe Maqedonisë së Veriut. Në vazhdim të ditës në Shqipëri priten rrebeshe lokale shiu me vetëtima dhe bubullimë. Rrebeshe lokale shiu me mundësi edhe për vetëtima dhe bubullimë priten edhe në Kosovë dhe Maqedoninë e veriut por lokalisht. Erërat do të jenë mesatare deri të fuqishme nga jugu.
Edhe në rajon duke filluar nga Serbia, Mali i Zi, Bosna dhe Hercegovina, Kroacia dhe Sllovenia priten rrebeshe lokalisht të fuqishme shiu me vetëtima dhe bubullimë/Meteoballkan
