Një i vdekur dhe qindra të bllokuar nën rrënoja është bilanci i tërmetit me magnitudë 7.5 që goditi Japoninë perëndimore të hënën.
Tërmeti ra orën 16:10, sipas kohës lokale rreth 42 kilometra në verilindje të Anamizu në prefekturën Ishikawa dhe u pasua me paralajmërime për cunami në shumë zona.
Në videot e ndara në rrjetet sociale, duken shtëpitë e rrafshuara, rrugë të çara në mes dhe njerëz që vrapojnë të tmerruar.
Numri i të vdekurve në Japoni ka shkuar në 30 persona, ndërsa kërkimet vijojnë ende për të gjetur të tjerë nën rrënoja.
Sipas zyrtarëve të prefekturës Ishikawa, rajoni ku ishte edhe epiqendra e tërmetit 7.5 ballë, ka edhe të tjerë të plagosur.
Tërmeti ra të hënën në orën 16:10 me orën lokale në thellësi prej 10 kilometrash në gadishullin Noto, sipas Shërbimit Gjeologjik të Shteteve të Bashkuara.
If you stand with the people of Japan , during this tough time in which they are experiencing a Tsunami and earthquake ; U wont pass without liking this tweet ❤
May God protect the children mothers & people of Japan from the Tsunami 💕#Japan #earthquake #Japan pic.twitter.com/PPNXj5iy9i
— Ramsa Chaudhary (@Ramkishor_jaat_) January 1, 2024
Tërmeti, që ra të hënën në orën 16:10 me orën lokale në thellësi prej 10 kilometrash, shembi ndërtesa, shkaktoi zjarre dhe shkaktoi alarme për cunami deri në Rusinë lindore, duke nxitur urdhra për banorët që të evakuohen në zonat e prekura bregdetare të Japonisë.
Pas tërmetit, autoritetet lëshuan paralajmërime për cunami për banorët e Japonisë perëndimore. Paralajmërimet për cunami lëshohen kur valët priten të jenë deri në 3 metra, ndërsa valë cunami prej rreth 1.2 metrash u raportuan në Wajima City, tha transmetuesi publik japonez NHK.
Sipas Shërbimit Gjeologjik të Shteteve të Bashkuara, të paktën 31 pasgoditje më të vogla u raportuan pranë rajonit ku goditi tërmeti. Agjencia tha se pasgoditjet mund të vazhdojnë në muajt në vijim.
Të paktën 1,400 pasagjerë janë bllokuar brenda trenave me shpejtësi të lartë më shumë se 10 orë pasi tërmeti tronditi rajonin, raportoi transmetuesi publik japonez NHK.
Të paktën 8,500 personel ushtarak janë në gatishmëri për të ndihmuar në përpjekjet emergjente pas tërmetit, tha Ministri i Mbrojtjes i Japonisë, Minoru Kihara. Zyrtarët shëndetësorë në qytetin Suzu thanë se disa mjekë nuk mund të trajtonin pacientët e plagosur për shkak të rrugëve të dëmtuara.
