Grupi i adhuruesve të natyrës “Kosovo Outdoor GURU” ka bërë thirrje te të gjithë adhuruesit e skijimit që të kenë kujdes nga ortekët në Brezovicë.
Të njëjtit që një kohë janë duke qëndruar në Brezovicë dhe kanë parë nga afër gjendjen që është krijuar pas rënies së borës.
“Sot është dita e 4-të qe po bjen borë panderprerje. Gjatë skijimit ditën e djeshme janë lëshuar shumë orteqe të vogla të grumbulluara nga fryma këto ditët e fundit”, thuhet në njoftimin e tyre në Facebook.
“SHMANGENI OFFPISTEN këtë vikend edhe pse moti do të jetë me diell”!
Ndryshe, më 26 janar nga një ortek i borës ka ndërruar jetë Arian Daci, zëvendësministri i Diasporës.
