Një tërmet me magnitudë 7.7 ballë goditi Paqësorin Jugor të premten, duke shkaktuar paralajmërime për tsunami për një numër vendesh ishullore të Paqësorit.
Dallgë deri në një metër mund të godasin Vanuatu, raportoi sistemi i paralajmërimit të tsunamit të Administratës Kombëtare të Oqeanit dhe Atmosferës së SHBA-ve.
Lajmi u bë i ditur nga gazeta amerikane “The New York Times”.
Autoritetet në Vanuatu, një komb ishullor me një popullsi prej rreth 300 mijë banorësh, u kërkuan njerëzve në zonat bregdetare të lëvizin në terrene më të ngritura.
Small tsunamis arriving in Vanuatu after 7.7 Pacific quake; people are being urged to evacuate coastal areas pic.twitter.com/DuUkavDa3N
— BNO News (@BNONews) May 19, 2023
Tërmeti goditi në juglindje të Ishujve Loyalty në territorin francez të New Caledonia-s rreth orës 14:00 me orën lokale të së premtes.
Agjencia amerikane lëshoi një alarm për tsunami për brigjet brenda 950 kilometrash nga epiqendra e tërmetit, duke përfshirë Vanuatu-n.
Ai tha se dallgët e larta mund të godasin brigjet e New Caledonia-s, si dhe në Fixhi, Kiribati, Australi dhe Zelandën e Re.
Agjencia fillimisht tha se valët deri në tre metra ishin të mundshme për Vanuatu-n dhe deri në një metër për vendet e tjera në rajon, por më vonë ajo uli vlerësimet e saj.
Agjencia Kombëtare e Menaxhimit të Emergjencave të Zelandës së Re tha se priste që zonat bregdetare të vendit të përjetonin “rryma të forta dhe të pazakonta dhe valë të paparashikueshme në breg”.
Sakaq, ajo u bëri thirrje njerëzve përgjatë bregut të saj verilindor që të largoheshin nga plazhet, portet dhe lumenjtë. /AP
