Java nisi me mot të vërtetë pranveror dhe temperatura të larta, por dy ditët e ardhshme të kësaj jave do të karakterizohen me vranësira të dendura dhe reshje shiu. Do të ketë intervale reshjesh intensive shiu, megjithatë temperaturat nuk shënojnë ulje të mëdha.
Mbrëmja e së martës do të jetë me reshje lokalisht intensive shiu. Këto reshje do të vazhdojnë edhe gjatë natës dhe paradites së të mërkurës, por vetëm në disa rajone dhe reshjet do të vijnë duke u lokalizuar dhe do të ndalen në tërësi.
Pra, e mërkura shënon rritjen e presionit atmosferik dhe ardhjen e masave ajrore anticiklonike. Njëkohësisht do të ketë rritje graduale të ndjeshme të temperaturave dhe nga e enjta deri në fundjavë na pret mot i vërtetë pranveror me temperatura maksimale të cilat do të arrijnë deri në 20 gradë Celsius edhe në shumë zona kontinentale. MeteoBallkan parasheh disa ditë të ngrohta pranverore nga e enjtja deri në fundjavë.
Pra, e marta me shi, e mërkura lokalisht me shi dhe me tendencë përmirësimi të motit. Nga e enjtja përmirësim substancial dhe rritje e temperaturave. Përpos intervaleve kohore me diell nga e enjtja do të ketë edhe vranësira të herëpashershme lokale dhe kalimtare.
Për fundjavë na pret mot i ngrohtë dhe kryesisht i thatë, megjithatë ka gjasa për zhvillime të disa rrebesheve lokale të shiut në disa rajone.
Ishte ky parashikimi i motit për këtë javë dhe ndryshime të vogla në parashikim gjithsesi se mund të ketë. Për çdo ndryshim eventual do të njoftoheni me kohë në postimet tona të përditshme./METEOBALLKAN