Nesër në Kosovë do të mbajë mot mjaft i nxehtë por më jostabil se sa ditën e sotme. Pas paradites me intervale të gjata me diell pasdite në shumë rajone pritet destabilizim i motit me rrebeshe lokale shiu të shoqëruara me vetëtima dhe bubullimë. Reshjet nuk pritet të jenë gjithëpërfshirëse por ato mund të jenë mjaft të fuqishme aty ku përqendrohen.
Në Shqipëri nesër mot shumë i nxehtë dhe me diell. Pasdite në shumë rajone të Shqipërisë priten rrebeshe lokale shiu me vetëtima dhe bubullimë. Në Bregdet mot kryesisht me diell dhe stabil.
Edhe në Maqedoni nesër pas një paraditeje mjaft të nxehtë pasdite në shumë rajone priten rrebeshe lokale shiu të cilat do të përcillen edhe me vetëtima dhe bubullimë.
Nga dita e martë do të vazhdojë të mbajë mot mjaft i nxehtë në tërë rajonin tonë por jo krejtësisht stabil. Edhe pse rrebeshet e shiut do të duhej të jenë shumë më të rralla megjithatë ato nuk do të mungojnë tërësisht në disa rajone.
Meteoballkan.
