Sot në Kosovë pritet të mbajë mot kryesisht me diell, por edhe vranësira të herëpashershme ditore. Atmosfera do të jetë stabile, kurse temperaturat do të fillojnë të shënojnë rritje edhe pse të përkohshme.
Mëngjesi do të jetë mjaft i freskët me temperatura që do të zbresin deri në 10 gradë Celsius, kurse maksimalja gjatë ditës do të shkojë deri në 26 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell e në disa zona priten vranësira ditore. Temperaturat do të shënojnë rritje të menjëhershme dhe rrallë në ndonjë rajon mund të ketë ndonjë rigë të izouar.
Në perëndim të Shqipërisë normalisht që pritet të jetë më nxehtë edhe pse krahasuar me ditët e kaluara do të jetë pak më freskët.
Të Premtën përkeqësim i motit nga një front i fuqishëm i ftohtë ajror. Parashihet të ketë shtim të vranësirave dhe reshje e rrebeshe shiu në Kosovë në disa rajone me disa vetëtima dhe bubullimë. Erërat veriore do të fuqizohet dhe do të shkaktojnë ulje të ndjeshme të temperaturave.
Në Shqipëri priten stuhi shiu me vetëtima, bubullimë dhe mundësi për breshër. Breshër të imët mund të ketë edhe në ndonjë rajon në Kosovë.
Rrebeshe shiu dhe përkeqësim i motit të Premten pritet të ketë edhe në Maqedoninë Veriore, Luginë të Preshevës dhe Mal të Zi. Stuhi dhe furtuna të fuqishme me shumë rrebeshe shiu e breshër të Premtën priten në Greqi.
Fudnjava vjen me stabilizim gradual të tmotit. E Shtuna pritet të jetë e freskët, kurse e diela ndjeshëm më e nxehtë./MeteoBallkan
