Të Hënën në Kosovë pritet të mbajë mot me vranësira dhe intervale kohore me diell. Herë pas here priten reshje kryesisht të pakta bore të karakterit lokal ku mund të ketë edhe ndonjë rrebesh bore me erëra të ftohta veriore. Temperaturat pritet të lëvizin nga -4 minimalja deri në 5 gradë Celsius maksimalja.
Sa i përket temperaturave minimale do të varet nga disa faktorë sidomos nga kthjellimi eventual.
Në Shqipëri, Maqedoninë Veriore, Luginë të Preshevës dhe Mal të Zi të Hënën pritet të mbajë mot me vranësira e intervale kohore me diell. Ende në disa zona të Maqedonisë së Veriut priten reshje ose ndonjë rrebesh bore. Në Shqipëri më shumë rreze diellore.
Acari i mëngjeseve do të vazhdojë edhe të Martën dhe eventualisht të Mërkurën nëse ndodhë kthjellimi i motit gjatë orëve të natës dhe mëngjesit të hershëm. Përndryshe priten ditë të ftohta, me vranësira e intervale kohore me diell dhe reshje të pakta të izoluara. Normalisht temperaturat ditore do të fillojnë të rriten nga dita në ditë, por mbetet ende ftohtë.
Të Enjten pak më ngrohtë, por me mundësi për reshje lokale (kryesisht të pakta) shiu e bore.
Përmirësim substancial të motit me ndikim nga Afrika veriore presim nga e diela./MeteoBallkan
