Sot në Kosovë pritet të mbajë mot kryesisht stabil, me diell dhe vranësira të pakta ditore. Nuk priten reshje atmosferike.
Temperaturat do të shënojnë rritje sidomos në vlerat maksimale. Minimalja pritet të zbres deri në 11 gradë Celsius, kurse maskimalja pritet të shkojë deri në 31 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell dhe në disa rajone priten vranësira ditore të cilat nuk do të kushtëzojnë reshje atmosferike.
Të mërkurën do të kemi rritje të mëtutjeshme të temperaturave, por njëkohësisht pritet të kemi jo-stabilete lokale atmosferike. Parashihet mot mjaft i nxehtë dhe me diell e pasdite vende-vende vranësirat do të marrin karakter zhvillime dhe do të kushtëzojnë rrebeshe lokale shiu me vetëtima, bubullimë dhe mundësi reale për breshër në disa zona të izoluara. Këto zhvillime do të jenë të izoluara ngase në shumë zona nuk priten fare reshje.
Edhe dita e enjte do të jetë e nxehtë, por jo tërësisht stabile./MeteoBallkan
