Sot në Kosovë pritet të mbajë mot shumë i nxehtë veror dhe me zagushi të fortë, por pasdite në disa rajone pritet destabilizim i fuqishëm i atmosferës, me zhvillime të fuqishme konvektive të cilat do të kushtëzojnë rrebeshe lokale shiu me vetëtima, bubullimë dhe breshër.
Për shkak të temperaturave shumë të larta dhe parametrave tjerë ka gjasa për zhvillime intensive konvektive që mund të kushtëzojnë rrebeshe të forta, breshër dhe shtrëngatë të fuqishme lokale, por kjo nuk do të ndodhë në të gjitha viset, por në zona të caktuara.
Temperaturat pritet të lëvizin nga 17 minimalja deri në 36 gradë Celsius ajo maksimale.
Në Shqipëri pritet të mbajë mot me diell dhe jashtëzakonisht i nxehtë sidomos në zonat mesdhetare të vendit. Pasdite vonë rrallë në disa vise malore mund të ketë ndonjë stuhi të izoluar shiu me bubullimë.
Shumë nxehtë nesër edhe në Mal të Zi, Maqedoninë Veriore, dhe Luginë të Preshevës, ndërsa pasdite parashihen zhvillime të ndonjë stuhie të izoluar shiu me vetëtima dhe bubullimë.
Të dielën na pret mot shumë i nxehtë veror dhe kryesisht me diell. Pasdite rrallë në disa zona priten disa zhvillime konvektive me ndonjë rrebesh të izoluar shiu me vetëtima dhe bubullimë.
Edhe dita e hënë do të jetë shumë e nxehtë dhe kryesisht me diell, por pasdite priten zhvillime konvektive dhe rrebeshe të izoluara shiu me vetëtima dhe bubullimë.
Nga e marta gradualisht masa më të freskëta ajrore pritet të depërtojnë në Kosovë e rajon dhe po ashtu ka gjasa që të kemi edhe reshje më shpeshta dhe më të përhapura atmosferike./MeteoBallkan
