Sot në Kosovë na pret mot me vranësira të dendura dhe reshje shiu e bore. Nëpër zonat më të ulëta reshje kryesisht shiu, ndërsa në viset kodrinore-malore reshje bore. Reshje shqote e bore mund të ketë edhe në disa zona paksa më të ulëta mbidetare, por nuk parashihen në zonat më të ulëta. Temperaturat nga -1 deri në 6 gradë Celsius. Shumë ultësira (zonat më të ulëta) në Kosovë nuk priten fare reshje bore.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me vranësira dhe reshje shiu e bore. Në veri të Malit të Zi priten reshje të dendura të borës si dhe në shumë vise kodrinore-malore të rajonit. Në viset tjera kryesisht reshje shiu e në ndonjë rajon reshje të përziera.
Mot i vranët dhe mjaft i ftohtë na pret edhe të Premten. Në Kosovë mund të ketë reshje lokale afatshkurtra bore. Në jug dhe lindje të Shqipërisë do të vazhdojnë reshje të shiut të cilat në viset malore do të shndërrohen në reshje bore. Reshje shiu të premten priten edhe në shumë vise në Maqedoninë Veriore e në viset malore reshje bore. Shumë pak reshje në Kosovë, Mal të Zi dhe Luginë të Preshevës.
Fundjava me përmirësim gradual të motit. E Diela me diell dhe relativisht e ngrohtë pas një mëngjesi me acar në disa zona./MeteoBallkan
