Sot në Kosovë pritet të mbajë mot tipik dimëror, me vranësira, erëra të ftohta nga veriu dhe verilindja dhe me reshje të herëpashershme, lokale bore. Në disa zona priten shtresa simbolike bore. Temperaturat do të pësojnë ulje të ndjeshme dhe minimalet deri në – 3 gradë Celsius, kurse maksimalet nga 1 deri në 4 gradë Celsius. Ndjesia e të ftohtit do të jetë e theksuar.
Në Shqipëri, Maqedoninë Veriore, Luginë të Preshevës dhe Mal të Zi të Hënën parashihet të mbajë mot kryesisht i vranët dhe me reshje lokale, shiu e bore. Reshjet nuk do të jenë të mëdha dhe nuk do të jenë gjithëpërfshirëse. Temperaturat do të pësojnë ulje në tërë rajonin.
Ditëve të ardhshme na pret mot mjaft i ftohtë, me vranësira e intervale kohore me diell. Nganjëherë lokalisht priten reshje të herëpashershme bore, ndërsa acari i mbrëmjes dhe mëngjesit do të fuqizohet./MeteoBallkan
