Sot në Kosovë pritet të mbajë mot kryesisht i vranët dhe me reshje të herëpashershme, lokale bore të intensitet kryesisht të dobët. Do të fryjnë erëra mjaft të ftohta nga veriu dhe verilindja, ndërsa temperaturat pritet të luhaten nga -5 deri në 1 gradë Celsius. Gjatë ditës mund të ketë intervale kohore me diell në disa zona.
Në Shqipëri pritet të mbajë mot mjaft i ftohtë, me vranësira e intervale kohore me diell. Do të vazhdojnë reshje të herëpashershme, lokale bore kryesisht në lindje dhe juglindje të vendit si dhe reshje shiu e shqote në jug të vendit, ndërsa në viset tjera nuk priten më reshje.
Në Maqedoninë Veriore dhe Luginë të Preshevës të Martën pritet të mbajë mot kryesisht i vranët dhe mjaft i ftohtë. Do të vazhdojnë reshjet e borës herë pas here.
Në Mal të Zi të Martën pritet mot i ftohtë, me vranësira e intervale kohore me diell, por pa reshje.
Mot i pandryshueshëm edhe të Mërkurën dhe të Enjten, me vranësira e nganjëherë me intervale kohore me diell. Reshje lokale bore do të ketë ende në disa pjesë të Maqedonisë së veriut, juglindje të Shqipërisë dhe ndoshta edhe në jug dhe lindje të Kosovës. Megjithatë atmosferë do të ketë tendencë kthjellimi dhe për këtë arsye acari i mëngjesit do të fuqizohet dukshëm.
Afër fundjavës pritet kthjellim gradual i motit dhe acar i fortë orëve të mëngjesit. Gjatë ditës temperaturat do të fillojnë të rriten./MeteoBallkan
