E mërkura në Kosovë pritet të karakterizohet me mot plotësisht të vranët dhe me reshje të herëpashershme lokale shiu. Temperaturat do të shënojnë ulje kryesisht të lehta, ndërsa reshje do të ketë herë pas here dhe vende-vende. Maksimalja parashihet të arrijë deri në 15 gradë Celsius. Pasdite mund të ketë edhe intervale kohore me diell.
Në Shqipëri po ashtu dendësim masiv i vranësirave me rrebeshe shiu lokalisht me vetëtima dhe bubullimë. Reshjet do të jenë lokalisht më intensive e në disa zona më të pakta. Pasdite vonë kthjellim i pjesshëm i motit.
Reshje lokale priten edhe në Maqedoninë Veriore kryesisht paksa më shumë në perëndim të vendit.
Edhe në Luginë të Preshevës dhe Mal të Zi e mërkura sjellë vranësira dhe reshje të herëpashershme, lokale shiu.
Të enjten na pret mot më i ngrohtë, me intervale të gjata kohore me diell dhe vranësira të pakta lokale si dhe me erëra nga jugu dhe jugperëndimi. Në Shqipëri pak më shumë vranësira dhe ndonjë rrebesh lokal shiu.
Vonë mbrëmjen e së enjtes dhe në fillim të së premtes rrebeshe të fuqishme shiu pritet të përfshijnë Malin e Zi dhe shumë pjesë të Shqipërisë. Disa nga këto reshje do të përfshijnë edhe Kosovën./MeteoBallkan
