Sot në Kosovë pritet të kemi mot të ftohtë, me vranësira, por edhe me intervale kohore me diell. Më shumë rreze diellore në Dukagjin, ndërsa rrallë në ndonjë rajon mund të ketë ndonjë fjollë bore. Temperaturat minimale deri në -3 gradë Celsius, kurse ajo maksimale deri në 5 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira lokale. Rrallë në disa vise priten fjolla të herëpashershme bore, kryesisht në lindje të rajonit tonë. Në perëndim shumë më shumë diell. Do të fryjnë erëra të ftohta nga veriu dhe verilindja.
Nga e Shtuna na pret mot kryesisht me diell, por edhe vranësira lokale. Mëngjeset do të jenë mjaft të ftohta, vende-vende me acar të theksuar, por asgjë ekstreme. Ka mundësi të ketë mjegull dhe vranësira të ulëta nëpër disa lugina dhe ultësira. Në këto rajone do të ketë shumë më pak diell. Temperaturat do të fillojnë të rriten sidomos nga e diela dhe fillimi i javës së re./MeteoBallkan
