Të dielën në mbrëmje në territorin e Republikës së Kosovës do të fillojnë reshjet borës. Reshjet e borës nuk do të jenë të balancuara kështu që në disa rajone priten më shumë reshje, kurse në rajonet ku tradicionalisht në këto raste nuk bjen borë do të ketë shumë pak ose hiç fare. Reshjet e borës do të vazhdojnë natën mes së dielës dhe së hënës si dhe ditën e hënë por me intensitet më të dobët.
Në këtë periudhë gjithashtu do të kemi fuqizimin e erërave veriore dhe në këtë mënyrë ndjesia subjektive e të ftohtit do të jetë e fortë. Në Shqipëri dhe Maqedoni priten reshje shumë më të pakta ose nuk priten reshje fare me ndonjë përjashtim. Natën e ndërrimit të motmoteve do të jetë ftohtë, por jo ekstremisht, temperaturat do të sillen rreth 0 gradë celsius, diku ndonjë gradë më ulet e diku ndonjë gradë më lartë. Reshjet do të ndërpriten.
Sipas ecurive aktuale nga data 3 ose 4 Janar pritet depërtimi e një mase më të ftohtë ajrore nga veriu e cila do të shkaktonte “reagimin” e Mesdheut me një ciklon të fuqishëm. Ky ciklon do të shkaktojë reshje të dendura bore (nëse nuk ka ndryshime në modelin ECMWF) në Kosovë, Maqedoni dhe Shqipëri. Reshje të dendura bore do të ketë edhe në Mal të Zi, Bosnjë dhe Hercegovinë etj. Parashikimi për Vitin e Ri është rreth 99 % i sigurtë kurse parashikimi pas Vitit të Ri nuk mund të themi se është i sigurtë sepse ndryshimet mund të ndodhin, por nëse nuk ndodhin ndryshime atëherë përgadituni për një idilë të vërtetë dimërore pas festave. Nëse ndodhin ndryshime ne do tju njoftojmë menjëherë në postimet tona të ardhshme në Meteoballkan.com./Meteoballkan.
