Sot pasdite në Kosovë priten zhvillime të fuqishme të vranësirave konvektive të cilat pritet të kushtëzojnë destabilizim të fuqishëm të atmosferës me rrebeshe lokale shiu me vetëtima dhe bubullimë. Rrebeshe lokalisht të fuqishme priten në orët e voshme të pasdites dhe orët e hershme të mbrëmjes ku ka gjasa për ndonjë stuhi të fuqishme lokale!
Rrebeshe shiu priten në Kosovë, Mal të Zi, veri dhe lindje të Shqipërisë, Kosoven Lindore dhe Maqedoninë Veriore.
Të entjën në Kosovë priten reshje sporadike, ndërsa nga e premta rikthehen rrebeshet dhe zhvillimet e fuqishme të cilat pritet të përfshijnë edhe Shqipërinë duke përfshirë edhe bregdetin shqiptar ku herë pas here priten rrebeshe shiu me vetëtima dhe bubullimë.
Pra, të premtën dhe ditëve të fundjavës në Kosovë do të ketë intensifikim të reshjeve të shiut, ndërsa priten reshje intensive dhe kjo mund të qojë në vërshime lokale, ngase toka e thatë dhe rënja eventuale e një sasie të madhe shiu për një kohë të shkurtër mund të shkaktojë probleme afatshkurtra.
Përderisa vijnë reshjet e shiut, temperaturat shënojnë ulje të ndjeshme, por bregdeti shqiptar mund të ketë edhe intervale të shpeshta kohore me diell dhe herë pas here edhe rrebeshe lokale shiu të cilat mund të jenë të fuqishme, por kalimtare.
Informata të reja në postimet tona të ardhshme./MeteoBallkan
