Nesër në Kosovë pritet të mbajë mot me vranësira e intervale kohore me diell. Mëngjesi do të jetë mjaft i ftohtë, vende-vende me acar, ndërsa dita me vranësira të shpeshta lokale.
Temperaturat pritet të lëvizin nga -2 minimalja deri në 12 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi e shtuna pritet të karakterizohet me mot me diell dhe vranësira të shpeshta lokale. Mëngjesi pritet të jetë i ftohtë dhe në disa zona do të ketë edhe ngrica. Pak më ngrohtë në Shqipërinë mesdhetare.
Mot me vranësira të shpeshta do të vazhdojë edhe ditëve të ardhshme, ndërkohë që afrohen edhe reshje lokale sidomos nga e hëna kur pritet të kemi reshje lokale shiu e bore, por reshjet nuk do të jenë të mëdha dhe nuk do të përfshijnë tërë territorin./MeteoBallkan
