Cikloni i fuqishëm i cili ende gjendet në jugun e Italisë me qendrën e tij tani ka edhe emër. “Melita”po e quajnë këtë ciklon meteorologët rajonal. Ky ciklon ditën e djeshme solli reshje të fuqishme, dhe stuhi në Kroaci, dhe Bosnjë dhe Hercegovinë. Zagrebi kryqendra kroate u godit nga erëra jashtëzakonisht të fuqishme të cilat arriten deri në 100km/h. Pati edhe dëme të konsiderueshme materiale, ndërsa reshjet e mëdha të shiut shkaktuan edhe vërshime në disa pjesë të Kroacisë. Erëra edhe më të fuqishme pati në disa pjesë të bregdetit kroat.
Cikloni më së shumti diten e djeshme goditi Bosnën dhe Hercegovinen dhe për këtë kemi shkruar disa artikuj. Gjatë ditës së sotme përpos reshje të dendura të shiut ky ciklon në shumë pjesë të Sllovenisë, Kroacisë dhe Bosnë dhe Hercegovines do të sjellë edhe reshje të dendura të borës si pasojë e uljet së ndjeshme të temperaturave. Reshjet e borës do të zbresin deri në 500 metra lartësi mbidetare!
Këto shtete që i përmendëm më lartë gjenden në sektorin e ftohtë të cirkulacioneve ajrore ciklonike, kurse Shqipëria, Kosova, Maqedonia dhe Serbia gjenden në sektorin e nxehtë ku dominojnë erërat jugore dhe juglindore. Gjatë ditës së sotme reshje të dendura shiu do të përfshijnë edhe Kosovën dhe Maqedoninë e veriut, ku vende-vende do të ketë edhe rrebeshe të fuqishme shiu me vetëtima dhe bubullimë.
Cikloni “Melita” nga nesër “e mërkurë) do të vijë duke u dobësuar gradualisht, megjithatë ende do të prodhojë rrebeshe lokale shiu me vetëtima dhe bubullimë dhe do të mbetet në mbamendje për një kohë të gjatë në rajonin tonë./Meteoballkan
