Sisteme lokale të stuhive janë krijuar në këto çaste në Alpet Evropiane ku ka rrebeshe lokale por të fuqishme shiu me vetëtima dhe bubullimë. Temperaturat e larta kanë favorizuar krijimin e vranësirave të fuqishme konvektive.
Një sistem i tillë është krijuar edhe në Slloveni dhe kjo mund të jetë një paralajmërim për ndryshim moti për ditët e ardhshme në Evropë dhe shumë pjesë të Gadishullit Ballkanik.
Gjithashtu raportohet se në Alpet evropiane ka shkrirje masive të borës veçanërisht në Zvicër dhe si pasojë në shumë rajone Alpine të Zvicrës ka ardhur deri te vërshimet e ujit si pasojë e shkrirjes së menjëhershme të borës në male nga nxehtësia./Meteoballkan
