Një fenomen i rrallë do të ndodhë me 19 shkurt, ditë e cila parashikohet të jetë Hëna më e madhe e vitit.
Ndryshe quhet si fenomeni i “super Hënës”, që do të thotë se sateliti ynë do të jetë më pranë Tokës. Largësia më 19 shkurt nga Toka në Hënë përllogaritet të jetë 356,761 kilometra.
Përmasat e Hënës do të jenë më të mëdha. Krahasuar me përmasat mesatare, Hëna më 19 shkurt do të duket 7% më e madhe dhe do të ndriçojë 30% më shumë.
Superhëna do të dalë më 19 shkurt dhe do jetë hëna më e madhe dhe më ndritur për vitin 2019.
Kjo është e dyta nga tre super hënat që do ndriçojnë qiellin këtë vit, duke ndjekur Super Blood Wolf Moon që ndodhi më 21 janar dhe i paraprin asaj që do vijë më 21 mars.
Shfaqja spektakolare e hënës njihet si ‘hëna e borës’. Hëna e borës do të shkëlqejë madje edhe në zonat ku bora nuk është në terren. Por si e mori hëna këtë pseudonim?
Çdo muaj përmban një hënë të plotë, ku gjatë viteve, çdo hëne të plotë i është dhënë një pseudonim që shpesh mund të lidhet me muajin në të cilin bie, siç është moti apo çfarë bimësh janë në lulëzim.
Disa pseudonime janë shekullore, që datojnë nga fiset amerikane ose amerikanët e hershëm kolonialë që u vendosën në Amerikën e Veriut.
Por çfarë është saktësisht një superhënë?
Një superhënë është një fenomen që ndodh kur orbita e hënës është më e afërt me Tokën, duke e bërë të duket e plotë, e ndritshme dhe më e madhe.
Më 19 shkurt, hëna do të jetë 221,734 milje nga Toka.
Ajo do të shfaqet 14 për qind më e madhe dhe 30 për qind më e ndritur se zakonisht.
