Shirat e pandërprera gjatë tre ditëve të fundit kanë shkaktuar përmbytje masive në Australinë lindore, duke përmbytur rrugë, duke izoluar qytete të tëra dhe duke shkatërruar shtëpi.
Pjesë të Uellsit të Ri Jugor, shtetit më të populluar të Australisë, janë goditur më keq përmbytjet.
Stuhitë kanë sjellë më shumë se gjashtë muaj shi gjatë tre ditëve, tha zyra qeveritare e motit.
Kryeministri australian Anthony Albanese tha të shtunën se përmbytjet lanë të vdekur pesë persona dhe përmbytën më shumë se 10,000 prona.
“Ne po vazhdojmë të punojmë ngushtë me qeveritë federale, shtetërore dhe lokale për t’u siguruar që australianët të marrin mbështetjen që u nevojitet tani dhe gjatë rimëkëmbjes”, tha Albanese në platformën e mediave sociale X.
Në kulmin e tyre, përmbytjet izoluan rreth 50,000 njerëz.
Australia është goditur nga ngjarje më ekstreme të motit që disa ekspertë thonë se janë rezultat i ndryshimeve klimatike. Pas thatësirave dhe zjarreve shkatërruese në fund të dekadës së kaluar, përmbytjet e shpeshta kanë shkaktuar kaos që nga fillimi i vitit 2021.
