Me tërheqjen e nivelit të ujit në shtetin indian të Kerala sot janë zbuluar trupa të tjerë si pasojë e musoneve më të fuqishme që goditën vendin në 100 vitet e fundit, duke e çuar numrin e vdekjeve në më shumë se 400.
Sot, reshjet janë dobësuar pas një jave dhe nivelet e ujit kanë rënë në shumë zona. Helikopterët ushtarakë dhe anijet vazhdojnë kërkimin e të mbijetuarve dhe dërgimin e ndihmave të nevojshme për njerëzit në zonat e prekura, shkruajnë mediat e huaja, njofton MeteoBallkan.
1
Ekipet e shpëtimit gjetën të paktën 30 trupa gjatë ditës së djshme, kështu që numri i viktimave në Kerala u rrit në mbi 400.
Tani për tani, dëmi nga përmbytjet llogaritet në 3 miliard dollarë, por pritet të vazhdojë të rritet. /MeteoBallkan
