Çiklisti nga Izraeli, Roei Sadan, 39-vjeç, përshkroi me biçikletë thuajse të gjithë botën, por ndërroi jetë në afërsi të shtëpisë, pasi u godit nga një autobus. Sadan gjatë periudhës 2007 deri në 2011, kishte vizituar me biçikletë 42 vende në gjashtë kontinente të ndryshme.
Atë e përplasi autobusi para shtëpisë në Rosh HaNikra. Pas përplasjes së fuqishme, çiklisti u dërgua me shpejtësi në spital, por për fat të keq ndërroi jetë dy ditë më vonë.
Sadan në një prononcim për Juresalem Post, ka thënë:
“Teksa kaloj nëpër kontinente, nuk jam vetëm, i vizitoj ambasadat izrealite nëpër botë, mbaj ligjërata nëpër shkolla dhe po i tregoj botës rreth Izraelit. Disa po më quajnë ‘ambasador me rrota”.
Sadan e nisi këtë rrugëtim nga pjesa veriore e Alaskës, kaloi përmes Amerikës Qendrore dhe Jugore, e më pas, mbërriti deri në jug të Afrikës, duke u kthyer sërish në Izrael.
