Një peshkaqen gjigant, i treti me radhë për një javë është parë në brigjet spanjolle, destinacion i njohur ky për pushime.
Një grup peshkatarësh në Majorka mbetën të tronditur gjatë fundjavës kur një peshkaqen masiv iu afrua varkës së tyre.
Një video e xhiruar nga njëri prej tyre tregon momentin peshkaqeni shihet duke iu afruar varkës së tyre në ujërat e qeta të Cap de Formentor, pranë Puerto Pollensa.
Ndërsa u afrua, burrat kuptuan se ishte një peshkaqen gri, me dhëmbë të sheshtë, i njohur gjithashtu si peshkaqenë lopë.
Peshkatarët vendosën të fikin motorin e varkës për të mos dëmtuar peshkaqenin.
Pamja e kësaj specie u konsiderua “shumë e pazakontë” pasi zakonisht jeton në fund të detit dhe nuk tenton të dalë në sipërfaqe, raporton Majorca Daily Bulletin.
Ky është peshkaqeni i tretë që shihet në brigjet e Spanjës vetëm në një javë.
Të enjten e kaluar, pushuesit vrapuan drejt sigurisë, ndërsa një peshkaqen iu afrua vijës bregdetare në plazhin Aguamarina, në jug të Alicante, rreth orës 10:00.
Mbrojtësit e plazhit i ranë borisë për të paralajmëruar vendasit dhe pushuesit dhe i kanë kërkuar që të dalin nga deti sa më shpejt të jetë e mundur.
Të nesërmen në mëngjes, pamjet treguan një peshkaqen tjetër – që mendohet të jetë një peshkaqen blu – që rrinte në ujë në portin e qytetit të njohur të Ciutadella në Menorca.
Peshkaqenët të njohur si peshkaqenët e lopës si ai i vërejtur në Majorka në përgjithësi nuk janë të rrezikshëm, por ata mund të bëhen agresivë kur provokohen.
Përndryshe, ata janë të padëmshëm dhe priren të jenë të ngadaltë.
Këta peshkaqenë ushqehen kryesisht me peshq.