Policia rajonale e Pejës ka konfirmuar përmes një kumtese se një femër është goditur nga rrufeja për vdekje në Bjeshkët e Deçanit.
Policia thotë se viktima me inicialet G.Z. e vitit 1986 ka arritur pa shenja jete në QKMF- Deçan, shkruan Meteoballkan.com.
“Me datën 4 korrik 2019, rreth orës 14:45, Policia e Kosovës është informuar se në bjeshkët e Deçanit, si pasojë e të reshurave atmosferike, dyshohet se rrufeja ka goditur një person e cila është sjellur nga qytetarët në QKMF-Deçan. Ekipi mjekësor ka konstatuar se viktima, G.Z. e lindur 1986 f/k/sh, ka arritur pa shenja jete në QKMF- Deçan”, thuhet në njoftim.
Policia thotë se menjëherë njësitet relevante të policisë kanë dalur në vendin e ngjarjës, të cilët janë duke u marrë me rastin.
“Në koordinim të plotë me prokurorin e shtetit, rasti është cilësuar si ‘Hetim i vdekjes’. Hetuesit policor të Stacionit Policor në Deçan janë duke kryer të gjitha veprimet e nevojshme”, thuhet në njoftimin e policisë./Meteoballkan
