Edhe pse klima në Kosovë nuk favorizon shumë netët tropike, vërshimi i ajrit të nxehtë afrikan pritet të sjellë temperatura tropike gjatë netëve të ardhsme në Kosovë dhe më gjerë, por jo në tërë territorin.
Dita llogaritet tropike ose tropikale kur temperatura arrin deri në 30 gradë Celsius, ndërsa nata llogaritet tropike kur temperatura minamale gjatë natës dhe mëngjesit nuk zbret nën 20 gradë Celsius.
Për shkak të klimës, relievit dhe faktorëve tjerë nuk pritet që në tërë territorin e Kosovës gjatë natës temperatura të jetë 20 gradë e mbi, por normalisht kjo vlenë për disa rajone që kanë predispozita të kenë temperatura më të larta.
Netë tropikale priten edhe më gjerë në rajon, ndërsa në disa vise të rajonit temperatura minimale nuk do të zbres nën 25 gradë Celsius./Meteoballkan