Qeveria e Kosovës së bashku me Ministrinë e Shëndetësisë pritet të marrin masa të reja në kuadër të parandalimit të përhapjes së koronavirusit.
Ndër vendimet që pritet të marrë Qeveria është se nga 30 korriku 2020 të gjithë shtetasit e Republikës së Kosovës që vijnë nga vendet me risk të lartë të infeksionit (Republika e Shqipërisë, Maqedonisë së veriut, Malit të zi dhe Serbisë) obligohen të vetë-izolohen për 7 ditë në shtëpitë/banesat e tyre.
Po ashtu nga 30 korrikut të gjithë shtetasit e Republikës së Kosovës (qytetarët me leje qëndrim, leje qëndrim të përkohshëm) që dalin jashtë territorit të Republikës së Kosovës dhe nuk kthehen brenda 48 orëve obligohen të dëshmojnë se janë të shëndoshë nga COVID-19 me testin RT-PCR në Sars COV-2, në të kundërtën obligohen të vetë-izolohen për 7 ditë në shtëpitë/banesat e tyre.
Ndryshe, ministri i Shëndetësisë, Armend Zemaj përmes një konference për media tha sot se edhe turizmi i fundjavës ka ndikuar në rritjen e numrit të rasteve të rejaPo ashtu do të ketë edhe vendime tjera që priten të publikohen së shpejti, që do të prekin edhe vendime të tjera.Disa nga vendimet do të hyjnë në fuqi nga nesër, disa të tjera pas dy ditësh.