Një valë e ajrit të ftohtë ka arritur në vendet Ballkanit Perëndimor dhe, siç njoftuam më parë Kroacia tashmë është zbardhur nga reshjet e borës, ndërkohë që alarmi i kuq është në fuqi për Bosnjë dhe Hercegovinën për shkak të reshjeve të njoftuara. Në Mavrovë, Maqedoni, trashësia e dëborës arriti 25 centimetra, njofton MeteoBallkan.
Alarmi i kuq është në fuqi për shkak të reshjeve të mëdha për territorin e Bosnjës jugperëndimore. Paralajmërimi u lëshua për një periudhë prej 22 orësh, deri më 21 nëntor në orën 15:00. Shkalla e akumuluar e reshjeve është midis 40 dhe 80 litra për metër katror, ??ndërsa në Hercegovinë është në nivel lokal deri në 120 litra, sipas FHMZ.
Reshjet priten të intensifikohen sonte në orët e mbrëmjes. Dëbora pritet në Krajinë dhe në Bosnjën perëndimore dhe në malet në rajonet qendrore të Bosnjës.
Ndërkohë borë po vazhdon të bjerë në shumicën e pjesëve të Kroacisë qendrore dhe në Gorski Kotar. Dëbora do të vazhdojë të jetë prezente në viset malore, ku pritet formimi i një shtrese të trashë. Në Sljamen sasia e borës është një centimetër. Në rajonet më të ulëta, kryesisht do të dominojnë reshjet e shiut.
Në 24 orët e fundit një sasi e madhe e borës ra edhe në Mavrovë, Maqedoni, ku shtresa e dëborë ka arritur 25 centimetra. Një sasi e madhe shiu ra në Manastir.
