Sistemet e fuqishme frontale nga cikloni shumë i fuqishëm në veri të Italisë po përparojnë në drejtim të Adriatikut ku sonte priten reshje shumë të fuqishme dhe erëra të rrezikshme që nga Bosnja dhe Hercegovina pastaj Kroacia, Sllovenia, Italia etj. Cikloni gjigand do të vazhdojë rrugëtimin në drejtim të Evropës Perëndimore.
Pra të gjithë meteorologët rajonal kanë paralajmëruar për furinë dhe rrezikshmërinë e lartë të këtij cikloni. Ky ciklon sonte do të ndikojë edhe në Shqipëri, Kosovë dhe Maqedoni por dukshëm më butë se në rajonet e lartëpërmendura sepse gjendemi larg rrezeveprimit të tij.
Sidoqoftë sonte dhe nesër reshje dhe rrebeshe shiu do të kemi edhe në Shqipëri, disa pjesë të Kosovës dhe pjesën veriperëndimore të Maqedonisë. Gjithashtu do të kemi edhe erëra por nuk duhet shqetësuar sepse tek ne erërat do të jenë shumë më të lehta se sa në pjesët tjera të rajonit dhe Evropës./Meteoballkan