Shumë kosovar po i presin reshjet e borës me padurim dhe kemi një lajm të mirë sepse reshje bore pritet të fillojnë në Kosovë pasditen ose mbrëmjen e së Enjtes.
Normalisht mos prisni borë të madhe dhe mos prisni në të gjitha zonat sepse nuk kemi ndonjë skenar të tillë dimëror.
Cikloni mesdhetar i pajisur me lagështi të madhe që po gjeneron reshje të dendura dhe me uljen e temperaturave këto reshje në rajone të caktuara do të shndërrohen në borë sidomos në shumë pjesë të Republikës së Kosovës.
Duhet ta theksojmë se nuk priten reshje të mëdha bore dhe mos prisni ndonjë atmosferë të vërtetë dimërore sepse reshjet e bores nuk do të jenë të mëdha dhe nuk do të zgjasin shumë, megjithatë natyra pritet të na dhurojë pamje të bukura që vetëm reshjet e borës mund ti dhurojnë për entuziastët e reshjeve të borës dhe fëmijët. Priten dy valë reshjesh bore, e para mbrëmjen e së Enjtes dhe e dyta mbrëmjen e së Premtes dhe mëngjesin e së Shtunën ku mund të krijohen edhe shtresa në ultësira sidomos në Rrafshin e Kosovës.
Normalisht në ultësira nuk priten shtresa të mëdha por dekorative, ndërsa në viset kodrinore-malore priten shtresa më solide.
Fillimisht sonte pritet të rifillojnë reshjet e shiut të cilat në momente mund të jenë të dendura. Nesër pritet të fillojnë të fryjnë erëra të ftohta nga veriu dhe pastaj reshjet do të fillojnë të shndërrohen në borë, njëherë në viset kodrinore-malore dhe pastaj edhe në viset e ulëta. Për rajonin e Dukagjinit vështirë që mund të ketë borë në zonat e ulëta, por ka mundësi dhe mund të ndodhë.
Sasia e reshjeve ende do të ndryshojë me daljet më të reja të modeleve dhe në do të jemi duke e ndjekur çdo ndryshim eventual si në sasinë e reshjeve të shiut po ashtu edhe në sasinë dhe vendet ku do të ketë reshje bore./MeteoBallkan
