Rajoni anë ditëve të ardhshme do të jetë nën ndikimin e një cikloni të fuqishëm me qendër në Britaninë e Madhe dhe anticikloneve të fuqishme në lindje dhe juglindje të rajonit. Për këtë arsye këto dy masa gjigante ajrore do të “përplasen” pikërisht në rajonin tonë ditëve të ardhshme dhe reshjet do të jenë intensive në perëndim të rajonit, kurse shumë më të pakta dhe simbolike në lindje.
Reshjet më të fuqishme të cilat potencialisht do të mund të shkaktojnë edhe vërshime do të jenë në Mal të Zi dhe Hercegovinë, por reshje intensive priten gjatë tërë bregdetit Adriatik, por edhe Jon herë pas here.
Sa i përket Shqipërisë reshjet më intensive priten në veri-veriperëndim dhe jug-jugperëndim të vendit. Reshje të herëpahershme do të ketë edhe në viset tjera por më intensive në ato rajone që i përmendëm, ndërsa sa i përket Kosoves reshje të shpeshta ditëve të ardhshme mund të ketë në rajonin e Pejës dhe Istogut psh. por reshje shumë më të pakta priten në qendër dhe lindje të vendit që është mjaft shqetësuese.
Një korigjim apo ndryshim i vogël i pozites së ciklonit mund të ndryshojë sasinë dhe mënyren e distribuimit të reshjeve dhe të shpresojme që kjo të ndodhë ditëve të ardhshme dhe për çdo ndryshim eventual do tju njoftojmë me kohë./Meteoballkan
