Pas reshjeve të borës që priten të dielën në Kosovë një vorbullë e re ciklonike nga Oqeani Atlantik do të zhvendoset në drejtim të Detit Adriatik. Në këtë mënyrë të Hënën në mbrëmje priten reshje të reja bore të cilat do të intensifikohen gjatë natës në të martën. Reshje të dendura bore priten në shumicën e territorit të Malit të Zi, veri, lindje, viset kodrinore-malore dhe juglindje të Shqipërisë, Kosovë dhe Maqedoni.
Pra, na pret një periudhë me reshje të shpeshta atmosferike ashtu siq kishim paralajmëruar për muajin Dhjetor se do të jetë mjaft interesant meteorologjikisht. Siç theksuam edhe më herët të Dielën priten reshje bore në Kosovë të cilat do të ndërpritën pasdite apo në mbrëmje kurse të hënën në mbrëmje pritet rikthimi i reshjeve të dëborës të cilat do të përfshijnë tërë rajonin tonë me përjashtim të rajoneve bregdetare dhe viseve më të ulëta të Shqipërisë. Meteoballkan.
