Përderisa në rajonin tonë po mbizotërojnë temperaturat mesdhetare në Britani të Madhe dhe pjesë të Gjermanisë, Polonisë, Holandës, Belgjikës dhe Skandinavisë kanë depërtuar temperatura më të ulëta me origjinë polare të cilat në kombinim me masat e fuqishme ciklonike nga Atlantiku po kushtëzojnë edhe reshje bore.
Reshje bore pati mbrëmë në shumë zona në Britaninë e Madhe duke përfshirë edhe Londrën, ndërsa priten reshje të reja të dendura bore sidomos në pjesët qendrore të Britanisë së Madhe dhe Gjermanisë.
Temperaturat e ulëta nuk do të arrijnë të depërtojnë në pjesën më të madhe të Francës, me disa përjashtime.
Një pjesë e këtyre masave të ftohta ajrore do të arrijë edhe në territoret tona dhe do ta ndjejmë gjatë fundjavës.
Siç e theksuam edhe në postimet tjera në viset tona të premten pritet të kemi reshje e rrebeshe shiu, ndërsa të shtunën ulje e temperaturave me reshje lokale shiu e me mundësi për fjolla bore vetëm në disa zona të Republikës së Kosovës dhe normalisht në zona malore të rajonit./MeteoBallkan
