Një depërtim i ajrit të ftohtë po lëviz drejt Evropës qendrore sonte, ku frontet e ftohta dhe ciklogjeneza mbi Mesdheun verior do të sjellin një raund të ri bore në rajon. Sllovenia, Kroacia dhe Bosnja dhe Hercegovina do të shohin reshje domethënëse bore deri të premten vonë. Ndërsa masa e ftohtë ajrore kalon nëpër Alpe, ciklogjeneza e zhvillohet mbi detin Ligurian, duke formuar një ciklon të dobët gjenovian. Ky ciklon vazhdon rrugëtimin në rajon, duke u shtyrë në detin Tiren, ndërsa një tjetër vorbullë ciklonike shumë e cekët do të krijohet mbi detin Adriatik.
Sistemi frontal dhe presioni i ulët atmosferik do të sjellin reshjet e para të dendura në Slloveni në ultësira, me përjashtim të zonave bregdetare. Reshjet më të dendura priten në perëndim dhe veriperëndim të Sllovenisë, veçanërisht në Alpet Juliane, ku priten nga 20-50 cm borë dhe nga 10-20 cm borë priten në Alpet e Sllovenisë Veriore. Gjithashtu priten reshje të konsiderueshme në Gorski Kotar, deri në 20-40 cm, ka të ngjarë dhe më tej në jug përgjatë vargut të malit Dinarik në Bosnje dhe Hercegovinë dhe Malin e Zi.
Reshje të konsiderueshme bore po ashtu priten edhe në pjesë të vendeve të Ballkanit perëndimor dhe jugperëndimor, duke përfshirë Serbinë jugperëndimore, Malin e Zi, Kroacinë e Jugut (lartësira), Shqipërinë (viset malore), Republikën e Maqedonisë Veriore dhe gjithashtu pjesë të Greqisë, po ashtu në viset malore.
