Reshjet e borës në disa zonë të Shqipërisë kanë vështirësuar qarkullimin e automjeteve.
Ministri i Punëve të Brendshme i Shqipërisë, Taulant Balla, u ka bërë thirrje drejtuesve të automjeteve që të kenë vëmendje të shtuar.
Balla ka bërë të ditur se Policia e Shtetit dhe Autoriteti Rrugor Shqiptar janë duke pastruar rrugët.
“Policia e Shtetit, Autoriteti Rrugor Shqiptarë dhe njësitë e qeverisjes vendore janë në krye të detyrës për garantimin e sigurisë, pastrimin dhe mbajtjen hapur të rrugëve”- ka shkruar ai në Facebook.
TopChannel raporton se reshjet e borës kanë zbardhur sërish malet në të gjithë vendin ndërsa më intensive kanë qenë në malësitë e Shkodrës dhe malësisë së madhe.
Për të mbajtur hapur rrugët Hani i Hotit -Tamarë, Tamarë -Vermosh dhe Bogë-Theth po punojnë borë pastrueset ndërsa po hidhet edhe kripë në rrugë.
Bllokime nuk ka por automjetet duhet të lëvizin me goma dimri ose me zinxhirë.
