Midis shumë llojeve të ndryshme të reve, tri prej tyre janë përgjegjëse për shumicën e reshjeve që bien në Tokë: stratus, kumulus dhe nimbus. Këto re janë të afta të prodhojnë shi dhe borë, shpesh duke u kombinuar me njëra-tjetrën në formacione hibride. Ndërsa disa janë pothuajse ekskluzivisht janë të lidhura me ngjarje të veçanta të motit siç janë stuhitë, lloji i reshjeve që bie nga një re, në fund të fundit varet nga temperatura, lagështia dhe presioni i ajrit, njofton MeteoBallkan.
Të gjitha retë janë bërë nga lagështia dhe pavarësisht nga lloji i reve, mijëra pika të vogla të ujit duhet të kondensohen rreth grimcave mikroskopike të pluhurit ose tymit me qëllim që të fitojnë dendsitet të mjaftueshëm dhe të bien si reshje. Nëse temperaturat atmosferike në afërsi të sipërfaqes së Tokës janë rreth ose nën ngrirje, këto reshje bien në formë të borës.
Llojet e reve emërtohen bazuar në pozitën e tyre në atmosferë, formën e tyre të përgjithshme dhe motin me të cilin ato janë të lidhura.
Nëse i shihni retë stratus, është koha të ktheheni brenda dhe të qëndroni atje. Retë stratus nënkuptojnë shi nëse është ngrohtë dhe borë nëse është ftohtë. Ato duken si një batanije e madhe gri që varet poshtë në qiell. Ndonjëherë retë stratus janë në tokë ose shumë afër terrenit, dhe pastaj ne i quajmë mjegull.
Frontet e stuhive shpesh paraprihen ose pasohen nga formacionet e reve të shtresës që mbajnë reshje si shiu apo dëbora. Për shkak se temperaturat janë më të ngrohta më afër Tokës dhe më të ftohtë më lart në atmosferë, retë e ulëta të stratus në përgjithësi sjellin shi, ndërsa retë e shtresës së lartë lidhen me borë. /MeteoBallkan
