Në perëndim, veriperëndim dhe jugperëndim të Maqedonisë së Veriut kemi zhvillime të fuqishme konvektive këtë mesditë ku lokalisht ka rrebeshe mjaft të fuqishme shiu, bubullima dhe vetëtima masive dhe breshër.
Këto zhvillime janë të karakterit lokal, por vende-vende në ato zona po kushtëzojnë shira të rrëmbyeshëm dhe breshër. Këto stuhi lokale pritet të vazhdojnë edhe gjatë pasdites duke u zgjeruar në pjesë të ndryshme të Maqedonisë së Veriut dhe lindje-juglindje të Shqipërisë, por reshjet nuk do të jenë gjithëpërfshirëse. Sisteme të fuqishme stuhishë priten në veri të Greqisë, ndërsa pasditen e sotme edhe në Kosovë lokalisht priten rrebeshe lokale shiu me vetëtima, bubullimë dhe mundësi për breshër.
