Siç kemi theksuar në shumë postime paraprake ditëve të ardhshme na presin reshje të shpeshta dhe herë pas here të dendura atmosferike, fillimisht reshje shiu, por gjatë fundjavës janë shtuar gjasat që të kemi edhe reshje të dendura bore herë pas here.
Ciklonet mesdhetare mjaft të pasura me lagështi dhe depërtimi i masave të ftohta ajrore nga veriu do të kushtëzojnë që reshjet e shiu të shndërrohen në reshje bore gjatë fundjavës. Herë pas here priten reshje të dendura dhe jashtëzakonisht estetike bore. Reshje bore priten edhe në veriperëndim të Maqedonisë së Veriut, veri të Mal të Zi dhe viset në Shqipëri ku tradicionalisht bie bore siç janë lindja, veriu, verilindja dhe juglindja dhe atë kryesisht në viset kodrinore-malore. Edhe në ultësirat e Maqedonisë së Veriut reshja e dëborës është mjaft diskutabile ende.
Sigurisht se do të ketë ende korrigjime në modele sa i përket sasisë dhe llojit të reshjeve, por këto janë të dhënat më të fundit dhe sipas të gjitha gjasave do të jetë një fundjavë fantastike me reshje shiu e më shpesh bore në Republikën e Kosovës./Meteoballkan
