Gati e tërë Evropa, por edhe Ballkani po ballafaqohen me mot të freskët dhe të paqëndrueshëm këto ditë Maji.
Përjashtim bëjnë jugu i Gadishullit Iberik dhe jugu dhe juglindja e Rusisë. Përderisa në jug të Spanjës temperaturat momentale nuk janë më shumë se 30 gradë Celsius, në jug dhe juglindje të Rusisë ato arrijnë deri në 35 – 36 gradë Celsius maksimalja.
Ballkani dje u ballafaqua me një sistem të fuqishëm frontal i cili solli rrebeshe të fuqishme shiu dhe shtrëngata breshëri ku më e goditura ishte Serbia, ndërsa viset tona po ballafaqohen me thatësi. Breshëri në Serbi dhe Vojvodinë shkaktojë dëme të mëdha materiale dhe shumë pemë dhe kultura bujqësore u shkatërruan. Rebeshe të fuqishme priten edhe ditëve të ardhshme pikërisht në ato rajonet e goditura më herët.
Për fundjavë pritet përmirësim dhe stabilizim i motit edhe te ne, ndërsa pritet edhe vala e parë e fuqishme tropikale sidomos në fillim të javës tjetër ku temperaturat pritet të kalojnë mbi 30 gradë Celsius./Meteoballkan
