Në shumë rajone alpine bora ka marrë ngjyrë të portokalltë për shkak të pluhurit Saharian i cili ka depërtuar nga Shkretëtirat e Afrikës veriore në jug dhe qendër të Evropës. Ky fenomen sot është vërejtur sidomos në juglindje të Francës dhe gati të gjitha rajonet alpine në Evropë ku bora është përzier me rërën ose pluhurin saharian duke marrë ngjyrë të veçantë. Shkaktar për këtë fenomen është një sistem i fuqishëm ajror me presion të ulët atmosferike (ciklon) i vendosur në jugperëndim të Evropës i cili ka aktivizuar rrymime të fuqishme ajrore nga jugu në drejtim të veriut, gjegjësisht nga Afrika veriore në drejtim të Evropës.
Pluhuri i Shkretëtirës së Saharës do të vijë edhe në Shqipëri dhe Kosovë nesër, e sidomos të hënën ku do të përzihet me reshjet e shiut dhe do të jetë mjaft i dukshëm si në atmosferë si në sipërfaqen e tokës ose aty ku bie shiu do të jetë i dallueshëm.
Ky fenomen mjaft interesant nuk është diçka e jashtëzakonshme sepse ka ndodhur shpeshherë edhe në të kaluarën dhe do të ndodhë prapë në të ardhmen./Meteoballkan
Burimi: severe weather europe