Modeli GFS në daljet e tij më të fundit jep sasi mjaft impresive të reshjeve atmosferike posaqërisht për Kosovën e mbërthyer nga thatësira e javëve dhe muajve të kaluar. Edhe pse në disa rajone ka pasur reshje atmosferike, rajone tjera të Kosovës ende janë duke vuajtur nga thatësia e madhe. Kjo do të ndryshojë për të mirë nga e diela pasdite e tutje sepse parashihen reshje solide shiu edhe në Kosovë. Sipas modelit amerikan GFS në disa rajone në Kosovë në 10 ditët e ardhshme pritet të bijnë deri në 90 mm. shi. Kjo sasi mund të qojë edhe në vërshime lokale, mirëpo në disa vende në Maqedoninë veriore priten reshje edhe më të mëdha dhe sasi më të mëdha të prurjeve nga reshjet atmosferike.
Sipas modelit GFS reshje më të pakata priten në jug dhe jugperëndim të Shqipërisë, edhe pse edhe ky rajon do të goditet nga stuhi dhe rrebeshe të fuqishme por afatshkurtëra shiu me vetëtima dhe bubullimë. Kjo nuk do të thotë automatikisht se reshjet do të jenë ashtu siç shihen në foto por është një simulim kompjuterik. Reshjet sezonale të verës janë jashtëzakonisht të vështira të parashikohen me saktësi edhe nga kompjuterët më të sofistikuar në botë për parashikim të motit dhe “lexim” të atmosferës./Meteoballkan
