Ky muaj do të mbahet mend si një ndër Prillat më të ftohtë dekadave të fundit dhe kjo për shkak të pasivizimit ekstrem të Afrikës dhe Atlantikut si dhe depërtimit të shpeshtë të masave ajrore Arktike. Gjatë këtij muaji jo rrallë kishim edhe reshje bore, madje në disa rajone intensive.
Pyetje të shumta janë drejtuar se kur do të ngrohet moti dhe përgjigjja është se Afrika Veriore ka filluar të shfaqet më në fund në skenë, mirëpo kjo nuk do të thotë se moti do të ngrohet shumë dhe se do të kemi stabilizim afatgjatë tek ne. Po ashtu të theksojmë se kjo nuk do të ndodhë menjëherë sepse para nesh janë edhe disa ditë të freskëta sidomos e premta dhe e shtuna ku ka gjasa edhe për reshje të reja lokale shiu dhe në viset malore reshje bore.
Temperaturat do të fillojnë të rikoperohen përsëri nga e diela dhe sidomos nga fillimi i javës tjetër kur pritet të kemi rritje progresive të temperaturave ku në Kosovë temperaturat maksimale fare lehtë mund të arrijnë deri në 26 apo 27 gradë Celsius në fund të Prillit dhe fillim të Majit. Është ky një lajm i mirë për të gjithë ne dhe ata që me padurim po e presim ngrohjën e motit pas një vale të gjatë të të ftohtit polar dhe ky lajm i mirë është po ashtu edhe për vegjetacionin i cili sivjet është vonuar së tepërmi.
Në fund të theksojmë se ditëve të ardhshme ende na pret mot i ndryshueshëm, por pak më i ngrohtë, ndërsa të premtën dhe të shtunën pak më frekët dhe me riga lokale shiu, ndërsa nga e diela stabilizim i motit dhe pranverë e vërtetë. Gjatë javës tjetër edhe më ngrohtë. Se sa do të zgjasë moti i mirë është e pamundur ta dimë me saktësi sepse janë në pyejte shumë ditë dhe ndryshimet janë më se të mundshme./Meteoballkan
