Disa shkencëtarë australianë kanë thënë se tashmë e kanë zhviluar vaksinën kundër koronvirusit, por thonë se do të nevojiten edhe disa muaj që të lëshohet për përdorim. Tre shkencëtarë nga Universiteti i Queensland-it në Brisbane, besojnë se tashmë vaksina që mund të imunizojë njerëzit kundër COVID-19 është realitet.
Dr. Keith Chappell, i cili ka të përfunduara studimet post-doktorale në fushën e stabilizimit të proteinave virale, i ka thënë mediave se “në kuptimin e zbulimit e një vaksinë që funksionon, ne mendojmë se tashmë është punë e kryer”.
Ai që prej janarit, bashkë me dy kolegët e tij Paul Young dhe Trent Munro, kanë punuar për zbulimin e një vaksine që shpëton njerëzimin nga rreziku i koronavirusit. Ai dhe ekipi i tij kanë kanë eksperimentuar me rreth 250 formula përpara se ta testojnë te një person vaksinën e quajtur “S-Spike”.
“S-Spike” tani më është duke iu nënshtruar vrojtimeve laboratorike në eksperimentet me minj, ndërsa mund të shënohet progres për testim te njerëzit nga muaji korrik.
Ata besojnë se vaksina do të mund të bëhet e përdorshme për të gjithë njerëzit, tek në fund të vitit. Dr. Chappell ka shpjeguar se zhvillimi i kompletuar i vaksinës, bashkë me fazën testuese, merr një kohë të gjatë.
“Të zbulosh një vaksinë që do të jetë e përdorshme për 7 miliadë njerëz në planet… ne duhet të jemi shumë të kujdesshëm”, ka thënë ai.
Ai po ashtu ka porositur shkencëtarët e tjerë që të mos rrezikojnë me vaksina të patestuara mirë për arsye komerciale dhe që të refuzojnë që ta rrezikojnë sigurinë dhe efikasitetin e vaksinave. /MeteoBallkan
Burimi: DailyMail
