Një 21-vjeçar është shpëtuar nga mbytja në det nga Policia, roja i kullës dhe disa pushues në Divjakë. Shtetasi F. M aktualisht ndodhet në spitalin e Lushnjës, dhe është jashtë rrezikut për jetën nën mbikëqyrjen e mjekëve.
Njoftimi i plotë:
Policia, roja i kullës dhe disa pushues, shpëtojnë një djalë nga mbytja në det.
Efektivët e Komisariatit të Policisë Divjakë, të cilët patrullojnë përgjatë vijës bregdetare të plazhit, në bashkëpunim me rojën e kullës të stacionuar në bregdet dhe disa pushues të tjerë që ndodheshin aty, kanë shpëtuar nga mbytja pasditen e sotme, një djalë 21 vjeç me iniciale F. M, nga Grabjani.
Shtetasi F. M aktualisht ndodhet në spitalin e Lushnjës, jashtë rrezikut për jetën nën mbikëqyrjen e mjekëve./
