Shtatë persona janë vrarë të mërkurën gjatë një ndeshje futbolli, pasi fusha në të cilën po luanin u vërshua nga uji që ishte derdhur me vrull nga një lum në afërsi në jug të Marokut.
Autoritetet vendore njoftuan se në mesin e të vdekurve është një 17-vjeçar dhe gjashtë burra që po luanin futboll në fshatin Tizert, në rajonin Taroudant.
Ekipet e kërkimit e kanë shpëtuar një person, i cili ishte lënduar nga vërshimet, dhe janë në kërkim të një të zhdukuri tjetër.
Lumi kishte dalë nga shtrati dhe e kishte vërshuar fushën në të cilën po mbahej një turne i futbollit amator, njofton AFP, përcjell Express.
“Jemi të tronditur. Unë jam 64-vjeçar dhe asnjëherë nuk kam parë vërshime të tilla”, ka thënë një dëshmitar.
